A Santa Compaña

Como estamos no mes de outubro, mes de bruxas e morcegos, vouvos falar da lenda da Santa Compaña. De seguro que escoitastes falar algunha vez desta lenda popular.

 Aínda que existan diversas variantes sobre ela, esta lenda é propia de Galicia.

Lenda:

A historia conta a peregrinación de ánimas que adoitan aparecer preto dos cemiterios. Estes espíritos van visitar a persoas que van morrer para reclamar a súa alma. Esta persoa entón está condenada a vagar polos camiños guiando a procesión dos mortos.

Defenderse dela:

Para evitar que te capturara a Santa Compaña ou retrasar a súa chegada existían distintos métodos:

• Debuxar un círculo no chan e meterse dentro.
• Subir enriba do pé dun cruceiro dos camiños.
• Levar os brazos cruzados

De Lameiro - Wikipedia gl, Dominio público, https://commons.wikimedia.org/w/index.php?curid=8681436

 

Unha anécdota da primeira vez que escoitei falar desta historia é de cando estaba en 3º de primaria. A nosa profesora de galego contóunola polo samaín. Eu nese momento tiña medo a morrer por se me atopaba coa Santa Compaña pero tiña curiosidade por vela entón cría que algún día a vería pola rúa indo en busca da alma dalgún veciño.