O apalpador

Que hai xentiña! 

Este mes de nadal e de festas varias toca falar dunha lenda que de seguro coñecedes: a lenda do Apalpador.

O Apalpador é un personaxe mitificado bastante común pola zona oriental de Galicia que percorre as casas os días de noiteboa ou noitevella apalpando, como o seu nome indica, a barriga dos rapaces e rapazas para comprobar se fartaron a comer ou non durante o ano. Se é afirmativo, o apalpador déixalles o aguinaldo para desexarlles un bo ano. Normalmente, o apalpador adoitaba traer castañas como regalo.

Podería dicirse que o Apalpador é a versión galega de Santa Claus mais estas son unhas claras diferencias entre eles:

 

O Apalpador:

1. 

   De Rosamf - Trabajo propio, CC BY-SA 4.0,
   https://commons.wikimedia.org/w/index.php?curid=46798089

   É característico de Galicia.
2. Represéntase como un carboneiro.
3. Antes de agasallar aos rapaces apálpalles o ventre.
4. Vai vestido con roupa vella.
5. Ten o pelo e a barba rubia.
   

De Jonathan Meath - Jonathan Meath, CC BY-SA 2.5,

https://commons.wikimedia.org/w/index.php?curid=12045736

 

Santa Claus:

1. A súa tradición exténdese por moitos países do mundo
2. Represéntase como un ancián de barba branca vestido de vermello.
3. Fabrica os seus regalos coa axuda de elfos.
4. Vive no Polo Norte e reparte os regalos nunha zorra e entra nas casas pola cheminea.

Como existen as panxoliñas de Nadal, tamén existen cantigas sobre o apalpador e unha das máis interpretadas é esta que podedes escoitar nesta ligazón: 

• Cantiga do Apalpador

Eu persoalmente nunca fun moi fan desta figura porque na zona onde me criei non se practica esta tradición. A pesar disto paréceme unha lenda curiosa e interesante. Cando escoitei falar dela por primeira vez pareceume estrano o feito de que un home fora a apalparche a barriga mentres durmías pero agora paréceme gracioso e divertido.