Os nubeiros

Es desas persoas que fan bos plans para saír á rúa pero ao momento de marchar pola porta comeza a chover? Parece que os galegos estamos malditos por algún Deus da auga ou a non ver o sol ata chegar ao verán. Obviamente a meteoroloxía galega ten unha explicación científica que xustifica os constantes días de choiva pero hoxe falareivos da explicación máis máxica e mitolóxica.

Na época onde os celtas habitaban a actual Galicia, a economía dependía principalmente da agricultura e da gandaría. Se estos sectores eran arrebatados polas abundantes precipitacións, como adoitaba ser, os habitantes non podían saír adiante. Por este mesmo motivo crearon uns seres fantásticos a quen atribuírlles a culpa do mal tempo aos que chamaron nubeiros. Estas criaturas son uns trasnos que dirixen e gobernan as nubes e as choivas como desexan.

Onde residen e como son?

Crese que vagan polos densos bosques ou nas altas montañas dos montes galegos. O seu aspecto presenta as seguintes características:

• 

  Interpretación dun Nubeiro por Wikimedia Commons - CC BY-SA 4.0,
  

  estatura media 
• non moi pequechos
• corpulentos 
• pel escura e áspera 
  
• barba sucia e tupida
• ollos relucentes
• orellas e boca enormes 
• rabo longo
• corpo peludo

Cando os veciños temían a chegada dunha forte treboada, avisaban ao sacerdote da parroquia para que tocase as campás e así asustase aos nubeiros. Con isto xurdiron cantigas diversas coma esta:

Tanguen os cregos a campá,
Pra escorrentar ó Nubeiro,
Ben eles sudan… pra encher,
Pra todo o ano, o granceiro

Tocan los monjes la campana
para que huya el Nubeiro.
Bien ellos sudan para llenar
para todo el año, el granero

Co tempo, a lenda dos nubeiros asociouse coa festividade de Santa Bríxida, que relaciona o inverno coa primavera, é dicir, celébrase que xa estamos na metade do inverno. Esta festa conmemórase na noite do 31 de xaneiro ao 1 de febreiro e celébrase en León. Fai clic aquí se vos interesa coñecer un pouco máis esta festa.

Como conlusión, esta lenda paréceme moi boa e recurrente para explicar as precipitación de Galicia na antigüedade cando non había as técnicas actuais. Se me dixeran que existen os nubeiros, non dubidaría en crelo, sobre todo cando leva un mes chovendo sen descanso e parece que non quere rematar.